Lager 2021

Nachem letschtjöhrige Lager wo ufgrund vu Corona bi üs dehei z Chaltbrunn stattgfunde het, verreise mer i dem Summer chli wiiterweg. S Reiseziil vum Lager, wo vum 10.-22. Juli stattfindet, isch z Schwarzsee im Kanton Freiburg. Umgebe vu Häng und Berge liit üses Lagerhuus idyllisch über em Schwarzsee (wo übrigens ned schwarz isch). Nebem Lagerort bsueche mer au no anderi Ort, beziehigswiis Länder i Form vunere Weltreis. Nebe de altherbrachte Spiel, wie s Gländspiel oder Lord of Fire lerne mer au viel eigenarte vu de jewiilige Länder huutnöch kenne, susch chönt mer ja grad deheibliibe und Terra-X luege.