Tag 3 Survival Day

Hüt hämmer am Morge glernt, wie mer Füür uf verschidensti Arte cha entfache: öb mit Lupe, Füürstahl oder Stock und Boge, überall häts gfunket. Nachem Mittag isch bim Klüpperlispiel um de Znacht gfightet worde: jedi Gruppe hät sich müsse ihri Zuetate fürd Älplermagrone bim George sim Hoflädeli go chaufe und d Kochutensilie bi verschidene Ufgabe verdiene, demit au niemer ohni Znacht is Bett muess. D Älplermagrone hät denn jedi Gruppe über ihrere eigene Füürstell selber müsse choche. De Obig hämmer bimene gmüetliche Openair-Kino usklinge loh.