Tag 2 IIrichte

Am Morge het eus denn tatsächlich de Spiritationspirat begrüesst. Mit 3 weise Ratschläg hemmer de Tag chöne bestriite: Sich Ein- und Wohlfühlen isch s’erste gsi womer gmacht hend. Mit verschiedene typische Lagerwandplakat, emene Kuschelegge, enere Recyclingstation und ere Spielwiese lebts sich eifach besser ih im Lagerhus. Am Nammitag hemmer euse Körper und Geist i Einklang bracht. Bime Geländespiel womer ned nur muess um Klüpperli kämpfe sondern au sis Chöpfli mues ischalte, isch eus au das glunge. Zum Tagesabschluss hemmer eus meh mit de Natur und em Nachthimmel usenandgsetzt und so eusi Verbundheit zu de Sterne gstärcht. De Spiritationspirat het sich sehr inspiriert gfühlt und so ischem prompt in Sinn cho, dass sin Kolleg de Fischerpirat ganz ider Nöchi en Fischerkurs am mache isch.