Tag 10 Challenge Day

Am Morge vom diesjährige challenge day simmer sportlich mit es paar Pirategames in Tag gstartet. Bimene spannende Schwertkampf oder emene sogenannte Kanonenbeschuss hemmer üsi Fähigkeite chönne unter bewis stelle. Nachem Mittag isch de Chochpirat uftaucht und het verchündet dass s‘ Chuchiteam de Dessert vom Abig ned chan choche. Drum hets denn au am Namitag es «ohni Dessert is Bett» geh, wommer d Zuetate fürd Schoggicreme am Abig selber hend müesse Sammle und Vorbereite. Am Abig hemmer bim Pärliabig de Solakönig und d Solakönigin kürt und ahschlüssend üsi Schoggicreme gnosse.