Tag 12 Discoday

Nachemene warme Zmorge hämmer sportlich in Tag gestartet. Mir händ am Morge en X-Athlon absolievert, wo mir i verschiedene Pöste gegenand atrette sind. Bim Seilzieh händ mir üsi Chraft chönne messe, bim Menscheturm konsturiere üsi Grössi bewiese und bi vielne wietere Pöste gegenand konkuriere. Bim hütige Zmittag händ mir kei Utensilie dörfe benutze. Das hät e riese Sauerei geh, aber fein gsi ischs trotzdem. Mit üsne vollne Büch händ mir scho s erste mal dörfe d Fundchiste leere. Im Nammitags Programm händ mir denn dörfe frei entscheide wie mir üs sprotrlich bewege wänd. Währendesse hät au üse alltäglichi Tageswettbewerb stattgefunde. Mir händ müesse Gwürz schmöcke und richtig errate. Am Abig hät de Unterhaltigspirat sin letschte Uftritt gha. Wie versproche hät er üs en tolle Discoabig organisiert. Vor allem d Musig hät üs extrem i Bewegig bracht. Nachem tanze und singe sind mir denn s letscht mal i üsi Schlafsäck gschlüpft.