De dritt Tag im Lager, de Wassertag 💦 isch da, am Morge hämmer d’Überläbistricks i de Prärie 🌵 gha. Wie mer duss i de Prärie ganz ohni Hilf überläbt, das hät eus de Sheriff ⭐ ganz gnau sälber erchlärt. Z’Mittag hämmer d’Fischstäbli 🐟 rasant verputzt, und d’Chraft 💪 dänn grad für d’Sheriffschuel gnutzt. Det händ alli glernt, wie mer d’Gerechtigkeit bewacht, und churz druf hämmer d’Diebe scho dingfescht gmacht. Am Abig hämmer d’Charte 🗺️ ganz gnau studiert, und d’Koordinaten uf de Charte markiert. D’Hiiwis vo de Diebe hämmer sicher im Sack, und gfindet morn de gheimi Diebesschatz 💰!