JUMOLINIS – ÜBER ÜS

Jumo bereits ab em Chindergarte? – Jumolinis machets möglich!

Zämme d Natur entdecke, spiele, bastle, lache und ganz vill Spass haa. Das alles und no meh chönnd ihr bi üs erläbe! 😊

Mir bütet all zwei bis drüü Mönet amene Samstig es Programm speziell für Chind im Vorschuelalter aa, wo sie zämme mit Gliichaltrige dörfet en coole (Halb-)Tag verbringe und scho es ersts mal chli Jumo-Luft chönnd schnuppere. D Aläss sind immer offe für alli Chindergartechind und mer cha so vill mal cho wiemer Luscht hät.

Sobald d Chind dänn id Schuel iiträttet, händ sie au d Möglichkeit, als fests Mitglied i di jüngsti Gruppe vo de Jumo iizstiige und bi allne Scharaläss und au im Summerlager chönne debi z sii.