Tag 1 Anreise

Wuhee, s Lager gaht los! Hüt Morge hemmer eus alli mit Gepäck und gueter Lune uf em Grünhofparkplatz versammlet. De Dschungelguide George het üs z erste Mal bsuecht und verzellt, was er alles scho so erlebt het. Nachdem mer denn de Reisesege empfange und alli 74 Gepäckstück ihre Platz im Car Ahänger gfunde hend, simmer eusem Herz nach uf Herznach. Nach chli meh as ere Stund het euse Car de Lagerort erreicht. Miteme guete Lunch gstärcht hend d Chind chöne ihri Zelt bezieh. Am Nummitag hend eus die Iiheimische über die wichtigste Theme im Dschungle ufklärt. Zum Znacht hets en super feine Risotto geh, euses erste Menü gekocht überem Füür. Am Abig simmer mitenand d Lagerregle duregange und hend de Abig mit individuelle Gruppi Guetnachtgschichtli usklinge lah.