Tag 1 Anreise

Ahoi ihr Landratten! Mir hend mit eusere Schatzkarte erfolgrich s’Lagerhus und die zwei verfluechte Pirate gfunde. D Zugfahrt det ane isch für die Eine lang und warm, für die Andere churz und chüel gsi. In Emmette het denn zerst müse de Dorfbrunne üse Durst stille, bevor mir eus uf de Weg is Lagerhus gmacht hend. Nachem Ipuffe und em feine Znacht isch denn de ersti Hiiwis gfunde worde, wo sich es Crewmitglied befinde chönti. D’Leiter und die verfluechte Pirate sind dem Hiiwis sofort nachegange. Hends de Pirat echt au gfunde?