Tag 11 GruppiTag

Dank emene Gheimtipp, hemmer usegfunde, dass e anderi Piratecrew de zweiti Teil vom Fluechspruch hortet. Anschlüssend hend mir in Form vomene Pfiferlispiel ihne dörfe helfe en Schatz z erobere und als Dank hend sie üs de Spruch überlah. De Spruch hemmer dankend agnoh und zur fiir vom Tag hend d Gruppigruppe de Namittag dörfe selber gstalte. Am Abig isch de abghaueni Unterhaltugspirat mitemene Känguru agschleicht worde . Er het us de Schatz klaut! Und wele sich demit sin Buebetraum, en Zirkus verwürkliche. Mir findet das aber nöd in Ordnig und er wird vor em Lagergricht verurteilt. Wil er s selber bereut schlat er vor üs en lässige Discoabig z organisiere. Die Straf empfindet s Lagergricht und d Chind als agmesse. Und will mir gad s Lagergricht im Huus gha hend hemmer üs en Gerichtsabig dörfe ermögliche.