Tag 11 Abreise

Leider het s’Lager irgendwenn au wieder es End. Nach de letzte und einzige regnerische Nacht simmer zum letzte Mal für es Wiili us eusem Schlafsack useghüpft und hend en feine Zmorge derfe gnüsse. Am Morge hemmer no die letzte Ufrumarbeite müse erledige bis euse Platz wieder nur e leeri Wiese gsi isch. Mit Rucksack und Koffer hemmer eus nachem Zmittag uf de Heiweg gmacht. Zrugg in Kaltbrunn hend d’Niñas ihre Tagegeswettbewerb Sieg derfe fiire – Gratulation! – und de George het sich verabschieded. D Fundkiste isch leider irgendwo im Container unter em ganze Mat versteckt gsi, drum hemmer die das Jahr ned chöne verteile. Mitme grosse Tschüsskreis hemmer eus denn alli no Tschüss gseit und somit heissts ab jetzt nümme «Bis bald im Wald!» sondern nurno «Bis Bald!».