Tag 2 Frankriich

Nachere erholsame Nacht simmer frisch und munter ufgstande. Nachme usdehnte französische Zmorge mit viel Baguette hemmer mit em Iirichte aagfange. Nebme Kuschelegge, me Volleyballfeld und em Lageradio isch au de fast scho obligatorisch Kiosk errichtet worde. Nachme feine Ratatouille zum Zmittag isch am Namitag en Postelauf absolviert worde. Acht verschiedeni Tiergruppe (Geisse, Bäre, Chatze, usw.) hend probiert bim Roseschmöcke, Frisbeewerfe, 5 Minute-Lauf, Sackhüpfe und eme Kroketparcours besser als all andere Gruppe zsii. Schlussendlich isches e sehr knappi Sach worde. De Znacht (Härdöpfelgratin) isch sehr fein und rübis-stübis weg gsi. Am Abig isch Fuessball höch im Kurs gsi und leider hemmer de Match ned ganz chönne fertigluege. Nachere bitz spötere Nachtrueh sind all müed und zfriede go pfuse.