Tag 2 Einrichten

Nachdem mer de ersti Zmorge im Lager hend dörfe gnüsse, het üs de Jungle Guy George bsuecht. Er het eus zeigt, wie wichtig d Basics zu Knopfchund, Zeltbau, ersti Hilf und Blachebau für es ahständigs Dschungelebe sind . A verschiedene Pöste hend d Chind ihres Wüsse vertüft. Am Nammitag hemmer de Lagerplatz fertig ihgrichtet. Ob  Spielfelder, Hollywoodschaukle oder Sauna: D Chind hend mit viel Elan und Ideerichtum de Lagerplatz in es Spiel& Spass Paradies verwandelt. Am Abig isches den nomal richtig streng worde. D Chind hend ich verschiedene Challenges müsse bewiese, dass sie muetig und stark gnueg sind, um im Dschungel überlebe z chöne. Miteme  festliche Ufnahmeritual vom George und eme feine Dessert, isch de Tag den schliesslich z End gange.