Tag 4 Indien

Mit cuule indische Musik hemmer in Tag deffe starte und sind au gad zum Zmorge danct. Dadruf hi hend d’Chind anhand fu luschtige Begriff es Theater vorbereitet und ufgführt. Zum Zmittag hemmer passend zum Land Indien es superfeins Curry gesse. Am Namitag hemmer zerst de Tageswettbewerb gmacht bi dem d’Chind hend müesse verschiedeni Gwürz blind errate.Nachdem all Gruppene ihres Beste geh hend,isches witergange miteme Postelauf.In dem mer zum Bispiel het müesse heiligi Kegelchüeh beschütze oder sich bineme indische Volksport names Kabbadi bewiese. Am Abig hemmer zerst en indische Tanz vorzeiget und d’Chind hend de super nachegmacht. Die typische Tänz wie de Gampel-Dance, Danza Kuduro und de Fensterlitanz deffet ineme Lager natürlich au nöd fähle. Nachdem mir eus bim Tanze uspoweret hend, simmer binere indische Meditation langsam zur Rueh cho und sind ready für is Bett gsi. En bunte Tag isch z’End gange.