Tag 5 15-ER Team Tag

Hüt Morge sind d’Tier vo Madagaskar cho und händ üs um hilf gfragt wil d Leiter d Pinguin vo Madagaskar entfüert hend. Mit ihne hend mir denn verschideni Wettkämpf gmacht wo d Chinde gege d Leiter sich hend möse bewiise. Egal ob bim Alex am Loi wo sie hend möse es brüll Battle mache, bi de Gloria am Nilpferd wo sii en Wasserparcour überwunde hend oder bi anderne Tier, sii hend sich überall super gschlage. Nachem Mittag sind d Leiter us em Lager vebannt worde wil de George so entüsch vo ihne gsi isch. Am Namitag hend mir denn es Banane im Dschungle gspillt odr au bekannt al Gold in China ( zwei teams spillet gege enand, i de mitti vom Spielfeld sind verschideni schätz, s einte Team versuecht die schätz us de mitti z hole und s andere versuecht die z beschütze). Als chrönende Abschluss hend mir denn no e chlini Stafete über Chartelese gmacht.