Tag 7 MusikTag

Hüt Morge hät üs en fremde Pirat überrascht. Mir händ gmeint er welli üs de Schatz vode Wanderig chlaue, debi ghört er au zude Crew und hät sini Kollege gsuecht. Er isch de Unterhaltigspirat und hät drum de ganzi Tag chli Stimmig gmacht. Mir händ zämme tanzet und sogar eigeni Tänz iistudiert. Nachem feine Zmittag sind ganz vill cooli Instrument baut worde. Mit dene händ alli Gruppe es Lied igstudiert und nachem Znacht hämmer zämme am Lagerfüür chli jammet und gsunge.